sabato 30 luglio 2016

STROPPOLE E FILASTROCCHE NAPULITANE: PRIMO GRUPPO

Scusatemi, trovo un gusto straordinario a tirar fuori dalla mia memoria, innanzitutto - e anche dalle fonti più varie, libri, siti web, suggerimenti di amici -, riscrivendole correttamente, queste vecchie filastrocche, legate al mondo della mia infanzia. Mi fanno tornare indietro, tanto indietro, nel tempo.

1) ‘A gallina zoppa zoppa
quanti penne tene 'ncoppa?
E ne tene vintitré,
uno, ddoje e tré.
E teneva nu turnesiello,
s’accattàje nu susamiello:
miezo a me, miezo a te,
miezo â figlia d’ 'o Ré!

2) Capa 'e mbomma
care 'nterra e nun se rompe!
Capa 'e vacca,
care 'nterra e nun se spacca!

3) Carulina vascia vascia
mette 'o culo int' ‘a 'rancascia:
se n'addona 'o parrucchiano,
Carulina cu' 'o culo 'mmano.

4) Ce steve na vota nu viecchie e na vecchia
stevene 'e casa 'ncoppa a nu specchio,
stevene 'e casa 'ncoppa a nu monte,
statte zitto ca mò t' 'o conto.
E t' 'o conto rint' 'a tiana,
màmmeta e pàtete 'e ruffiane.

5) Che se dice? ‘E sarde se magnano ‘alice.
Ll’uocchie tuoie so’ doje curnice.
Si saglie ‘ncoppa màmmeta che me dice?

6) Cicci Bacco 'ncopp' 'a vótte
chi 'o tira e chi 'o vótte
chi 'o vótte 'int' 'a cantina
Cicci Bacco véve 'o vino.

7) Dimane è festa:
'o sorice ‘mmenesta,
'a gatta int' ‘a cantina
taglia 'o ppane e mette 'o vino
mette 'o vino a carrafelle
e taglia 'o ppane a felle a felle.


C'è, di questa filastrocca, una versione prettamente amalfitana, che m'era sfuggita e mi è stata rammentata da Nuccia Paolillo:
Dimane é festa!
E magnammece 'a menesta!
'A menesta nun é cotta,
e magnammece 'a ricotta! 
'A ricotta nun è fresca,
e magnammece 'a ventresca!
'A ventresca nun è fellata,
e magnammece 'a 'nzalata! 
'A 'nzalata è senza uoglio! 
E chiammammo a masto 'Mbruoglio! 
Masto 'Mbruoglio é juto â messa
cu quatto principesse
e.cu quatto cavallucce, 
e tu tiene 'a capa 'e ciuccio/ (oppure: musso 'e vacca e musso 'e ciuccio).

8) E’ sunata ll’ora ‘e notte
 e l’angiulillo p’ ‘a porta,
 e Maria p’ ‘a casa;
 ‘o tristo jesce e ‘o buono trase
 e Dio ‘nce guarda ‘o capo ‘e casa.

9) Fieto, fietillo,
chi l’ha fatto ‘o peretillo?
'O peretillo è gghiuto all’uòrto,
e chi fete ‘e cane muorto?

10) Caro papà ca ‘mmano me tiene
tiéneme astritto e nun me lassà
ca pe’ na penna d’auciello grifone
fràtemo è stato nu traditore
e m’ha acciso e m’ha scannato
dint’ a nu fuosso m’ha menato.

Cara mammà ca ‘mmano me tiene
tiéneme astritto e nun me lassà
ca pe’ na penna d’auciello grifone
fràtemo è stato nu traditore
e m’ha acciso e m’ha scannato
dint’ a nu fuosso m’ha menato.

Frate ‘nfame ca ‘mmano me tiene
tieneme astritto e nun me lassà
ca pe’ na penna d’auciello grifone
tu si stato nu traditore
e m'hê acciso e m’hê ammazzato
dint’ ‘a nu fuosso m‘hê menato.

(segue)

© ricerca a cura di Sigismondo Nastri




Nessun commento:

Posta un commento