domenica 31 luglio 2016

STROPPOLE E FILASTROCCHE NAPULITANE: TERZO GRUPPO

21) Ora pro nobis,
piglia ‘a mazza e' vatte a chisto
ora pro nobis, care ‘nterra
E se rompe 'o musso!

22) Una volta i bambini accompagnavano i loro giochi con filastrocche come questa (ce ne sono versioni differenti: non mi chiedete il significato, non lo so)
Pizzi pizzi trangula
e la morte di Santrangula
e Santrangula è pipì.
Sarracina faceva 'o pane
tutt' 'e mosche s' 'o magnavano,
s' ‘o magnavano a poco â vota.
Parlerò, parlerò,
chi è cchiù bella jesce fora,
jesce fora a lu ciardino,
pizza doce e tagliuline!
Tagliuline a me, tagliuline a te.
Chella vecchia mariola
s'arrubbaje a don Nicola,
don Nicola aizaje 'o bastone,
'o bastone se rumpette,
don Nicola aizaje 'a scuppetta
‘a scuppetta nun sparaje.
Uno, ddoje, tre e quatto,
don Nicola int' a buatta.
Era una delle 'conte'  - mi dice Gina D'Amato - "che usavamo per sapere chi doveva iniziare il gioco della campana".

23) Quanto è bello a jì pe’ mare,
cu ‘a Madonna ‘ncopp’ ‘a nave;
San Giuseppe a lu timone,
Giesù Cristo pe’ patrone;
l’angiulille pe’ marenare.
Quanto è bello a jì pe’ mare.

24) Quaraésema secca secca
s'è magnata ‘a fica secca
aggio ritto: "Dàmmenne una"
e m' ha dato nu caucio ‘nculo
Aggio ritto: "Dàmmenne n'ata"
e m' ha dato na zucculata.

25) Sbatte 'e mmane ca vene papà,
porta 'o zuccaro e 'o babbà,
nuje 'o mettimmo a cucenà
e 'o nennillo s' 'o va a magnà.

26) Il fastidioso formicolio a un piede mi ha fatto ricordare una vecchia formula "liberatoria", efficace:
Scéta scéta père
ca l'angiulo mò vène.
E vène cantanno,
'o père se sta scétanno.

27) Scugnato senza riente
vasa 'o culo a zì Vicienzo;
scugnato senza mola
vasa 'o culo a zì Nicola!
Ringrazio Nuccia Paolillo che mi ha recuperato i seguenti due versi:
Scugnato senza sanne
vasa 'o culo a zì Giuvanne!
Solo un'annotazione: scugnato = sdentato; mola = molare; sanna (zanna) = dente,

28) Sega, sega mastu Ciccio,
na panella e nu sasìccio.
‘A panella ce ‘a magnammo,
‘o sasìccio nce ‘o stipammo:
nce ‘o stipammo pe' Natale,
quanno vène 'o zampugnaro.
'O zampugnaro nun vène cchiù,
'o sasiccio t' 'o mange tu.
Un grazie a Carmela Florio e Maria Teresa Torre per avermi suggerita questa filastrocca, che avevo perso dalla memoria.

29) Sennuzzo, va ô puzzo
va a mare
va add' ‘a cummara
vide che te dice
e vienemmello `a dicere.

30) Storta picòscia,
tiene ‘e cosce mosce mosce,
e sotto ‘o suttanino,
tiene ‘o scoglio ‘e Margellina.


(segue)

© ricerca di Sigismondo Nastri

.



Nessun commento:

Posta un commento